MRATIBU WA MRADI WA WA MAZINGIRA NDG: TERRY RAPHAEL AKISOMA TAARIFA YA MAZINGIRA MBELE YA MGENI RASMI MH. MKUU WA WILAYA KIBONDO

Posted on: November 9th, 2017

Ndg: Terry Raphael, Mratibu wa Mazingira  Shirika la TCRS Wakimbizi Wilayani Kibondo, amesoma taarifa ya Mradi wa Maji, Afya, Usafi wa Jamii na Mazingira wilayani Kibondo Mbele ya Mgeni rasmi Mkuu wa Wilaya, aliyealikwa kuhudhuria Uzinduzi wa Usafi na Mazingira Wilayani Kibondo iliyozinduliwa rasmi leo tar. 09.11.2017.

UTANGULIZI:

TCRS, iliingia Mkoani Kigoma mnamo mwaka 1981 kusimamia urejeshwaji wa wakimbizi nchini Burundi, lakini ikawa pia inafanya shughuli za maendeleo Kigoma vijijini na baadhi ya Vijiji vya Kasulu. Uongozi wa Mkoa uliomba TCRS ifungue Ofisi Wilayani kibondo kwa ajili ya Maendeleo ya wanchi. TCRS, ilifungua Ofisi yake Kibondo kuanzia mwaka 1986 na kushirikiana na Uongozi wa Wilaya na Wananchi wa Kibondo kwa shughuli za maendeleo, kazi ambayo inaendelea mpaka sasa.

TCRS, kwa ufadhiri wa Norwegian Church Aid (NCA) kuanzia mwaka 2015 ilianza kushirikiana na Idara za Halmashauri ya Kibondo pamoja na Wanchi katika kufanya kazi za WASH (water, sanitation and hygiene) katika vijiji 7 vya Wilaya ya Kibondo na 5 Wilaya ya Kakonko.

TCRS katika Wilaya Kibondo shirika lipo kwenye Vijiji vya Rusohoko, Kigendeka, Kigogo, Nyange, Minyinya, Kumshwabure na Kumsenga. Lakini mwaka 2016, TCRS iliacha kufanya kazi za Maji, Afya na Usafi wa Mazingira kwenye Vijiji vya kumshwabure na Kumsenga kutokana na upungufu wa fedha kutoka kwa Wafadhili, hivyo kubaki na Vijiji 5 katika Wilaya ya Kibondo.

MAFANIKIO:

Kwa kushirikiana na Halmashauri ya Wilaya ya Kibondo, Idara ya Maji Afya, Usafi wa Jamii na Mazingira pamoja na wananchi katika vijiji husika shirika limefanikiwa kufanya yafuatayo:

1. Kutoa elimu kwa Wananchi kuhusu kuhifadhi na utunzaji wa vyanzo vya maji. Vile vile Viongozi wa Vijiji wamepewa Mafunzo juu ya Utawala bora na usimamizi mzuri wa Miradi ya Maji
2. Kuunda Kamati za Maji COWSO katika Vijiji vyote vya Mradi. Kamati 10, zimeundwa zikiwa na Wajumbe 120 (60 Me 60 Ke).
3. Kukarabati tanki 2 za maji kwenye shule ya Rusohoko na Kigendeka.
4. Kukarabati vyanzo vya maji 8 (water springs)  Kiduduye 2, Kasongati 2, Kiga, Nyange, Kigogo na Minyinya.
5. Kukarabati Visima Vifupi 7 (water sallow-wells) Kiduduye, Kiyobera 2, Rusohoko, Nyange, Kiga 2.
6. Kuundwa kwa Kamati ya PETS kwa ajili ya kufuatilia miradi ya maji pamoja na miradi mingine Kijijini.
7. Kujenga visima vifupi, Itumbiko na Kiyobera mwaka huu 2017 

CHANGAMOTO:

1. Utegemezi kwa Wananchi wetu ni mkubwa kiasi kwamba Watu wengine wanataka kuchimbiwa vyoo na TCRS au Halmashauri/Serikali.
2. Wananchi kutokuwa tayali kuchangia maji kama sera ya maji nchini inavyoelekeza
3. kutokuwepo kwa sheria ndogo ndogo vijijini na kuzitumia.